實習期間 我地做左好多海裡陸上的海豚研究 令我大開眼界
但係我點都估唔到 自己會咁好彩係見到d咁畢生難忘ge情景
係今年8月中 我地走去深屈做 land-based 的時候
竟然俾Vincent用theodolite見到
遠方有一條中華白海豚媽媽將啱啱出世ge海豚bb頂上水面 幫助佢呼吸
而條海豚bb身上仲有胎摺 所以相信出左世冇幾耐
我地開頭用望遠鏡去搵條bb其實都唔易
一來望遠鏡放大倍數始終不及theodolite 二來海豚bb實在太細條喇
要好留心 先會見到 "海豚媽媽上水戈陣隔離有舊黑色野"
之後我地就輪流用望遠鏡一直追蹤住海豚bb ge動向 順便做埋survey
(圖片來源: 網上)
原來除左海豚媽媽之外 佢身邊戈三條海豚都輪流咁游近bb 幫手教佢游水
過左幾個字之後 海豚bb終於都識得自己上水呼吸喇
不過個姿勢當然冇其他海豚咁靚啦
有時海豚bb仲好八厭ga 游游下就會游開左 要海豚媽媽追番個bb
過多陣 我地就見到海豚bb愈游愈順 愈游愈優美喇
我地仲見到海豚媽媽成嘴都係泥
原來呢個時候海豚媽媽係bb面前使出佢ge看家本領 -- 捉魚
俾海豚bb聞下新鮮魚ge味道 等佢大個之後快d戒奶 捉魚食
見證一條屬於海洋ge新生命在各方的照顧下成長
由開頭在大海中未掌握生存技巧 到後來行動自如 真的是非常窩心的一件事
真係發夢都估唔到我會係實習期間睇到呢個咁寶貴ge畫面
就好似上演緊真實版ge《豚在野希希大冒險》一樣
P.S.
《豚在野希希大冒險》係一本由香港海豚保育學會出版的「真豚真事」繪本
內容講述中華白海豚bb「希希」在香港海域出世後的成長故事
當中還提及「希希」係香港生活所受到的生命威脅 如高速船撞擊和噪音污染
(圖片來源: 香港自然探索會學會 Facebook page)
